Veshje festive për burra

Koleksioni ynë i veshjeve festive për burra ka të bëjë me qëndrimin, vetëbesimin dhe stilin. Qoftë nëse bëhet fjalë për kremtimin e Krishtlindjes së bashku me miqtë, kremtimin e Vitit të Ri apo një mbrëmje të paharrueshme, kujdesemi ne për gjithçka që të nevojitet.

Kombinim festiv Krishtlindjeje për burra

Krishtlindja është fare pranë, që do të thotë se ka ardhur koha që të gjesh kombinimet e përsosura festive për sezonin. Por s'ka nevojë për stres, pasi ne në JACK & JONES kujdesemi për gjithçka që të nevojitet, me kostumet më elegante, këmishë të rehatshme dhe këpucë me stil, për të të ndihmuar që të dukesh dhe të ndihesh për mrekulli gjatë gjithë natës.

Kombinim i Vitit të Ri për burra

Nata e ndërrimit të viteve ka të bëjë me fillimet e reja, prandaj veshja jote duhet të krijojë atmosferën që dëshiron. Një kostum i zi ose i kaltër i errët, i qepur me kujdes, të jep menjëherë ndjesinë festive dhe të bën gati për ta pritur Vitin e Ri me stil.

Si të gjesh kostumin e përsosur?

Sezoni festiv është kohë për festë dhe për një pamje që e pasqyron. Qoftë nëse të duhet kostum për kremtimin e Krishtlindjes në zyrë, një darkë familjare për Krishtlindje apo një kombinim me stil për natën e Vitit të Ri, me kostumin e duhur, gjithçka ndryshon.

Gjej prerjen e duhur të kostumit

Si fillim, është e rëndësishme që të marrësh parasysh se si të rri kostumi dhe sa rehat ndihesh me të. Shpatullat duhet të qëndrojnë natyrshëm, pa fryrje apo varje, ndërsa xhaketa duhet të mbyllet lirshëm, pa tendosje.

• Prerja slim fit të jep atë pamje të sofistikuar dhe të kuruar, të përshtatshme për mbrëmje. Kjo prerje është e qepur pas trupi dhe krijon një siluetë më të hollë. • Me një prerje standarde, do të ndihesh rehat nga fillimi deri në fund. Sa u përket ngjyrave, e zeza dhe e kaltra e errët nuk dalin kurrë nga moda.

Shto një këmishë me stil

Kur blen kostum, është e rëndësishme të mendosh se cilën këmishë parapëlqen dhe në cilën ndihesh rehat, sepse kur ndihesh mirë, dukesh edhe më mirë. Këmishët tona i gjeni me prerje standarde, slim fit dhe super slim fit.

• Prerja standarde, një zgjedhje që nuk del kurrë nga moda, të fal komoditet dhe lirshmëri në lëvizje. Qëndron natyrshëm pa u ngjitur pas trupit, duke të dhënë lirinë për të lëvizur ndërkohë që ruan një pamje të kuruar. • Slim fit ofron një pamje më moderne dhe të qepur me kujdes. Ka një ngushtim të lehtë në bel dhe qëndron më ngushtë në pjesën e kraharorit. • Prerja super slim fit ofron një pamje të mprehtë, me vija që ndjekin trupin dhe sqetulla të ngritura.

Shto aksesorë në kostumin tënd

Shtimi i aksesorëve dhe detajeve është ajo që e bën kostumin tëndin. Kravata klasike është gjithmonë një zgjedhje e sigurt: elegante dhe e gjithanshme, vjen me ngjyra dhe motive të ndryshme, si dhe është ideale për një darkë formale Krishtlindjeje apo festën e ndërrimit të viteve. Nëse kërkon diçka ndryshe nga klasiku, papioni është zgjedhja ideale. Ky detaj i jep veshjes personalitet dhe një prekje lozonjare. Kur është fjala për këpucët, disa thonë se rregullat janë të thjeshta, por sipas nesh, moda nuk ka rregulla. Këpucët janë gjithashtu një mënyrë e shkëlqyer për t'i shtuar personalitet kombinimit tënd, qoftë nëse zgjedh një palë mokasina moderne apo zgjedh të tregosh anën tënde të çlirët me atletet e parapëlqyera. Plotëso pamjen me një rrip klasik, i cili do ta bëjë lidhjen mes artikujve të veçantë të kombinimit.